ഗർഗസംഹിതാ* 🙏 *_ഗോലോകഖണ്ഡം_* *അദ്ധ്യായം - 14*

🙏 *ഗർഗസംഹിതാ* 🙏

  *_ഗോലോകഖണ്ഡം_*   

*അദ്ധ്യായം - 14* 

🙏🌹🌺🌸💐🌹🙏

*ഉൽക്കചനും  (ശകടാസുരനും )തൃണാവർത്തനും മോക്ഷപ്രാപ്തി*

✨✨✨✨✨✨✨✨✨✨✨✨  

      

             ശ്രീകൃഷ്ണ ഭഗവാൻറെ  ഉത്കൃഷ്ടമായ ദിവ്യചരിതം ഭക്തിപൂർവ്വം ശ്രവിക്കുന്നവൻ കൃതാർത്ഥനായിത്തീരും എന്ന് മാത്രമല്ല, അവന് പരമപുരുഷാർത്ഥം പ്രപ്യമായിത്തീരുകയും ചെയ്യും എന്നതിൽ സംശയമില്ല. 

          ബഹുലാശ്വൻ നാരദ മഹർഷിയോട്  ശ്രീകൃഷ്ണ ഭഗവാൻറെ വിചിത്രലീലകളെ കുറിച്ച് ചോദിച്ചു. 

       ഒരു ദിവസം കൃഷ്ണാവതാര നക്ഷത്രമായ രോഹിണി നാളിൽ നന്ദറാണി ഗോപന്മാരെയും ഗോപികമാരെയും വീട്ടിൽ വിളിച്ചു വരുത്തി ബ്രാഹ്മണർ പറഞ്ഞതുപോലെ മംഗളകാര്യങ്ങൾ ചെയ്യാനുള്ള ഏർപ്പാടുണ്ടാക്കി. ബ്രാഹ്മണർക്ക്  ധാരാളം ധനം ദാനം നല്കി.  കൃഷ്ണനെ മനോഹരമായി ഒരുക്കി തൊട്ടിലിൽ കിടത്തി.  അഥിതി സത്ക്കാരത്തിൽ മുഴുകിയ  യശോദ മുലപ്പാലിനായിയുളള കൃഷ്ണൻറ കരച്ചിൽ കേട്ടതുമില്ല. അപ്പോൾ കംസനാൽ അയയ്ക്കപ്പെട്ട വായുമയമായ ശരീരം മാത്രം ഉളള ഉൽക്കചൻ എന്ന രാക്ഷസൻ അവിടെ എത്തുകയും പാലും വെണ്ണയും തൈരും ശേഖരിച്ചു വച്ച വലിയ ഒരു ശകടം കൃഷ്ണൻറെ മസ്തകത്തിൽ തളളിയിടാൻ ശ്രമിക്കുകയും ചെയ്തു. കൃഷ്ണൻ കാല് കൊണ്ട്  ശകടത്തിൽ ചവിട്ടി. ശകടം തകർന്നു തരിപ്പണമാകുകയും അസുരൻ വീണ് മരിക്കുകയും ചെയ്തു.  അതോടെ അസുരൻറെ വായുമയ ശരീരം ഇല്ലാതാവുകയും ദിവ്യമായ അനശ്വര ശരീരം ലഭിക്കുകയും ഭഗവാനെ നമസ്കരിച്ച് ദിവ്യവിമാനത്തിലേറി ഗോലോകധാമത്തിലേയ്ക്ക് പോവുകയും ചെയ്തു.  ശകടം മറിഞ്ഞ ഒച്ച കേട്ടെത്തിയ ഗോപന്മാർ ബാലകന്മാരോട് ചോദിച്ചപ്പോൾ  കൃഷ്ണൻ ചവിട്ടിയാണ് ശകടം തകർന്നതെന്ന അവരുടെ വാക്കുകൾ അവിശ്വാസനീയതയോടെയാണ് ഗോപാലകർ ശ്രവിച്ചത്.. 

     ഉൽക്കചൻറെ പൂർവ്വജന്മം ഏതെന്ന് ചോദിച്ച രാജാവിനോട് മഹർഷി പറഞ്ഞ.  ലോമേശ മഹർഷിയുടെ ആശ്രമത്തിലെ മരങ്ങൾ വെട്ടി നശിപ്പിച്ച ഹിരണ്യാക്ഷ പുത്രനെ മഹർഷി ശരീരമില്ലാത്തവനാകട്ടെയെന്ന് ശപിച്ചു.  പാമ്പിൻറെ പടം പൊഴിയുമ്പോലെ ശരീരം പൊഴിഞ്ഞു പോയപ്പോൾ ഉൽക്കചൻ മഹർഷിയോട് ക്ഷമാപണം നടത്തി.  ദ്വാപരയുഗത്തിൽ ഭഗവാൻ ശ്രീകൃഷ്ണൻറെ സ്പർശനത്താൽ മുക്തി ലഭിക്കുമെന്ന് മഹർഷി പറഞ്ഞു  .  

       ഒരു ദിവസം നന്ദറാണി യശോദ കൃഷ്ണനെ മടിയിൽ വച്ച് താലോലിച്ചോണ്ടിരിക്കെ കൃഷ്ണൻറെ ഭാരം താങ്ങാനാകാതെ കൃഷ്ണനെ താഴെയിറക്കി.  ഉടനെ തന്നെ കംസനയച്ച തൃണാവർത്തൻ എന്ന അസുരൻ ചുഴലികാറ്റായി വന്നു കൃഷ്ണനെ എടുത്തു പത്ത് യോജന ഉയരത്തിൽ കൊണ്ട് പോയി. വ്രജത്തിലാകെ പൊടിപടലങ്ങളാൽ മൂടി. യശോദ കൃഷ്ണനെ കാണാതെ മോഹാലസ്യപ്പെട്ടു വീണു. ഉയരത്തിൽ എത്തിയപ്പോൾ കൃഷ്ണൻറെ ഭാരം വർദ്ധിക്കാൻ തുടങ്ങി.  വേദന സഹിക്കാതെ അസുരൻ കൃഷ്ണനെ താഴെയിറക്കാൻ നോക്കി. കൃഷ്ണൻ തൻറെ കൈകളാൽ അസുരൻറെ കഴുത്തിൽ പിടിച്ചു.  അസുരൻറെ നിലവിളിക്കിടയിൽ കൃഷ്ണൻ  കൈ അമർത്തുകയും അസുരൻ മരിക്കുകയും ചെയ്തു. തൃണാവർത്തൻറെ ശരീരത്തിൽ നിന്നും ഉത്ഭവിച്ച ജ്യോതിസ്സ് ശ്രീകൃഷ്ണ ഭഗവാൻറെ  ശരീരത്തിലലിഞ്ഞു. അസുരൻറെ ശരീരം ഒരു പാറപ്പുറത്ത് വീണു. ആ ശരീരത്തിലിരുന്ന് കളിച്ച ബാലകനെ ഗോപികമാർ ഓടി ചെന്ന് എടുത്തു യശോദാമ്മയെ ഏല്പിക്കുകയും. കൊടുങ്കാറ്റ് വന്നപ്പോൾ കുഞ്ഞിനെ താഴെ കിടത്തിയ   യശോദയെ വഴക്കു പറയുകയും ചെയ്തു.  തനിക്ക് ധനമൊന്നും വേണ്ട എന്നും മകനുമായി സമാധാനത്തോടെ കഴിയാൻ എവിടെയാണ് പോകേണ്ടത് എന്നും യശോദ കരഞ്ഞു കൊണ്ട്  രോഹിണിയോട് ചോദിച്ചു.   

     ബ്രാഹ്മണർ കുശാഗ്രം,പുതിയ തളിരില, പവിത്രകലശം, ശുദ്ധജലം എന്നിവ കൊണ്ടും ഋക്, യജുസ്സ്, സാമം എന്നീ വേദമന്ത്രങ്ങൾ കൊണ്ടും ഉത്തമ സ്വസ്തി വചനങ്ങളെ കൊണ്ടും വിധിപ്രകാരം യജ്ഞം നടത്തി അഗ്നിയെ പൂജിച്ച് ബാലക ശ്രീകൃഷ്ണന്  രക്ഷ ഉണ്ടാക്കി. കവചവും ചൊല്ലുകയുണ്ടായി. നന്ദൻ ബ്രാഹ്മണർക്കും ഗോപന്മാർക്കും ധാരാളം ദാനം നല്കി. 

        തൃണാവർത്തൻറെ പൂർവ്വജന്മം ഏതെന്ന് ചോദിച്ച രാജാവിനോട് മഹർഷി പറഞ്ഞു. ആയിരക്കണക്കിന് സ്ത്രീകളുമായി നർമ്മദാതീരത്ത് വിഹരിച്ചിരുന്ന പാണ്ഡുദേശത്തെ രാജാവ് സഹസ്രാക്ഷൻ അപ്പോൾ അവിടെ വന്നെത്തിയ ദുർവാസമുനിയെ ബഹുമാനിച്ചില്ല. കോപിഷ്ഠനായ മഹർഷി രാജാവിനെ രാക്ഷസനായി തീരട്ടെയെന്ന് ശപിച്ചു.  മുനിയുടെ കാൽക്കൽ വീണ് ക്ഷമ യാചിച്ച രാജാവിനോട് ശ്രീകൃഷ്ണ ഭഗവാൻറെ സ്പർശമേല്ക്കുന്നതോടെ മോക്ഷം ലഭിക്കുമെന്ന് മഹർഷി പറഞ്ഞു. അങ്ങനെ ശ്രീകൃഷ്ണ  സ്പർശത്താൽ തൃണാവർത്തന് മോക്ഷം ലഭിച്ചു.

   

       *സർവ്വം കൃഷ്ണാർപ്പണമസ്തു*

✍കൃഷ്ണശ്രീ

🙏🌹🌺🌸💐🌹🙏

ശിവഗിരി തീർത്ഥാടനത്തിന്റെ ഉദയവും ഉദ്ദേശ ലക്ഷ്യങ്ങളും*

*ശിവഗിരി തീർത്ഥാടനത്തിന്റെ ഉദയവും ഉദ്ദേശ ലക്ഷ്യങ്ങളും*                   

1103 മകരമാസം 3 -ാം തീയതി കോട്ടയത്തുള്ള നാഗമ്പടം മഹാദേവ ക്ഷേത്രത്തിന്റെ കിഴക്കുവശത്തുള്ള തേന്മാവിൽ ചുവട്ടിൽ ഗുരുദേവൻ ശിഷ്യന്മാ രോടും മറ്റു ഭക്തന്മാരോടുമൊത്ത് കുശലപ്രശ്നം നടത്തികൊണ്ടുമിരിക്കുമ്പോൾ ഗുരുദേവ ഭക്തരായ വല്ലഭശ്ശേരി ഗോവിന്ദനാശാനും റ്റി.കെ. കിട്ടൻ റൈട്ടറും  സദസ്സിൽ പങ്കാളികളായി.  സംഭാഷണത്തിനിടയിൽ വല്ലഭശ്ശേരിയും കിട്ടൻ റൈട്ടും തൃപ്പാദങ്ങളോട് ശിവഗിരിയിലേക്ക് എല്ലാ വർഷവും തീർത്ഥാടനം നടത്തുന്നതിന് അനുവാദമുണ്ടാകണമെന്ന് അപേക്ഷിച്ചു. അനുവാദം നൽകിക്കൊണ്ട് തൃപ്പാദങ്ങൾ ഇപ്രകാരം പ്രസ്താവിക്കുകയുണ്ടായി.                                      

*(1) തീർത്ഥാടകർ മഞ്ഞ വസ്ത്രം ധരിക്കണം മഞ്ഞപ്പട്ട് വാങ്ങാൻ ആരും തുനിയരുത്. കോടി വസ്ത്രം പോലും ആവശ്യമില്ല. ഉപയോഗത്തിലിരിക്കുന്ന വെള്ള വസ്ത്രം മഞ്ഞളിൽ മുക്കി ഉപയോഗിച്ചിട്ട് പിന്നീട് അലക്കി തെളിച്ച് ഉപയോഗിക്കുകയും ചെയ്യാം*                         

*(2) യാത്ര ആർഭാട രഹിതമായിരിക്കണം. വിനീതമായിരിക്കണം*

*(3) ഈശ്വരസ്തോത്രങ്ങൾ ഭക്തിയായി ഉച്ചരിക്കുന്നതു കൊള്ളാം*

*(4) തീർത്ഥാടകരുടെ പേരിൽ ആർഭാടങ്ങളും ആഡംബരങ്ങളും ഒച്ചപ്പാടുകളും ഉണ്ടാക്കി പ്രസ്ഥാനത്തെ മലിനപ്പെടുത്തരുത്*

*(5) അനാവശ്യമായി ഒരു കാശുപോലും ചെലവു ചെയ്യരുത്*

കോട്ടയത്തുനിന്നും ഒരാൾ ശിവഗിരിയിൽ പോയി രണ്ടു ദിവസം താമസിച്ചു മടങ്ങി വരുന്നതിന് മൂന്നു രൂപയുണ്ടെങ്കിൽ കുറച്ചു ചക്രം മിച്ചവുമുണ്ടായിരിക്കും. അത് ധാരാളം മതിയാകും. ഈഴവർ പണമുണ്ടാക്കും പക്ഷേ മുഴുവനും ചിലവഴിച്ചുകളയും. ചിലർ കടം കൂടി വരുത്തി വയ്ക്കും അതു പാടില്ല.. മിച്ചം വയ്ക്കുവാൻ പഠിക്കണം. സമുദായം വിദ്യാഭ്യാസത്തിലും ധനസ്ഥിതിയിലും ശുചിത്വത്തിലും വളരെ പിന്നോക്കമാണ്. ഈ രീതി മാറണം. മാറ്റണം.                  

ഈ തീർത്ഥാടനം നടത്തുന്നതിന്റെ ഉദ്ദേശ്യമെന്തെന്ന് തൃപ്പാദങ്ങളുടെ ചോദ്യത്തിന് വൈദ്യരിൽ നിന്നും റൈട്ടറിൽ നിന്നും മറുപടി കിട്ടാതെ വന്നപ്പോൾ ഗുരുദേവൻ അല്പം ഗൗരവത്തിൽ തുടർന്നു, ആണ്ടിലൊരിക്കൽ കുറെ ആളുകൾ രാജ്യത്തിന്റെ നാനാഭാഗത്തു നിന്നും മഞ്ഞ വസ്ത്രവും ധരിച്ച് യാത്ര ചെയ്ത് ശിവഗിരിയിൽ ചെന്ന് ചുറ്റിനടന്ന് കുളിയും ഊണും കഴിഞ്ഞ് പണവും ചെലവാക്കി മടങ്ങി വീടുകളിൽ ചെല്ലുന്നതു കൊണ്ട്  ഒന്നും സാധിക്കുന്നില്ല. വെറും ചെലവും ബുദ്ധിമുട്ടും. ഇതു പാടില്ല. ഏതു പ്രവർത്തിക്കും ഒരുദ്ദേശം വേണം. ഒരു ലക്ഷ്യം ഉണ്ടായിരിക്കണം. തൃപ്പാദങ്ങൾ ഓരോന്നായി ശിവഗിര തീർത്ഥാടനത്തിന്റെ ഉദ്ദേശലക്ഷ്യങ്ങളെപ്പറ്റി വിവരിച്ചുകൊടുത്തു.      

*(1) വിദ്യാഭ്യാസം*

*(2) ശുചിത്വം,*

*(3) ഈശ്വരഭക്തി* 

*(4) സംഘടന*

*(5) കൃഷി*

*(6) കച്ചവടം*

*(7) കൈത്തൊഴിൽ*

 *(8) സാങ്കേതിക ' ശാസ്ത്ര പരിശീലനങ്ങൾ*            

ഈ വിഷയങ്ങളെപ്പറ്റി പ്രസംഗ പരമ്പര നടത്തണം. ഓരോ വിഷയത്തിലും വൈദഗ്ധ്യമുള്ളവരെ ക്ഷണിച്ചു വരുത്തി പ്രസംഗിപ്പിക്കണം. ജനങ്ങൾ അച്ചടക്കത്തോടെയിരുന്നു ശ്രദ്ധിച്ച് കേൾക്കണം. കേട്ടതെല്ലാം പ്രവൃത്തിയിൽ വരുത്തുവാൻ ശ്രമിക്കണം. അതിൽ വിജയം  പ്രാപിക്കണം. അപ്പോൾ ജനങ്ങൾക്കും രാജ്യത്തിനും അഭിവൃദ്ധിയുണ്ടാകും. ശിവഗിരി തീർത്ഥാടനത്തിന്റെ പ്രധാന ഉദ്ദേശ്യം ഇതായിരിക്കണം.

ബ്രഹ്മവിദ്യ എന്താണ്

*ഹരേ കൃഷ്ണാ*

*ബ്രഹ്മവിദ്യ എന്താണ്?*

ഭഗവാനിലും ഭഗവാന്റെ ഭക്തന്മാരിലും പ്രേമവും സംസാരത്തിൽ വൈരാഗ്യവും വെയ്ക്കുന്നത് തന്നെ ബ്രഹ്മജ്ഞാനം

എല്ലാ മനുഷ്യരുടേയും ശ്രദ്ധ സ്വന്തം അന്ത: കരണത്തിനനുരൂപമായിരിക്കും. ഈ പുരുഷൻ ശ്രദ്ധാമയനാണ്.ഇതുകൊണ്ട് ഏതു പുരുഷൻ എത്രയും ശ്രദ്ധാവാൻ ആണോ അവൻ സ്വയം അതായിത്തീരുന്നു.

സാത്വിക പുരുഷന്മാർ ദേവതകളെ പൂജിക്കുന്നു .രാജസ പുരുഷന്മാർ യക്ഷരാക്ഷസന്മാരെയും അതുപോലെ അന്യ  താമസ മനുഷ്യർ പ്രേത ഭുത ഗണങ്ങളെയും പൂജിക്കുന്നു. ഏതു മനുഷ്യരാണോ ശാസ്ത്രവിധി രഹിതമായ കേവല മന:കൽപിതമായ ഘോര തപസ്സുകൊണ്ട് സ്വന്തം തപിപ്പിയ്ക്കുന്നത് അവർ ദംഭം അഹങ്കാരം ഇവകളാൽ യുക്തരും  കാമനകൾ ,ആസക്തി, ബലം, അഭിമാനം ഇവകളാൽ ശക്തരുമാവുന്നു.

ആരാണോ ശരീര രൂപത്തിൽ സ്ഥിതമായി അതുപോലെ അന്ത: കരണത്തിൽ സ്വന്തം പരമാത്മാവിനെ കൃശമാക്കുന്നത് അർത്ഥം ശാസ്ത്ര വിരുദ്ധ ഉപവാസാദി ഘോര ആചരണങൾ ദ്വാരാ ശരീരത്തെ ശോഷിപ്പിയ്ക്കുന്നത് അതുപോലെ ഭഗവാന്റെ അംശ രൂപമായ ജീവാത്മാവിന് ക്ളേശം നൽകുന്നത്, ഭൂത സമുദായത്തെയും അന്തര്യാമിയായ പരമാത്മാവിനെയും കൃശമാക്കുന്നത് അത്തരം അജ്ഞാനികൾക്ക് ആസുര സ്വഭാവം ഉണ്ടാവുന്നു (ഗിത )

ബ്രഹ്മവിദ്യയുടെ ജ്ഞാനത്തെ പഠിയ്ക്കുകയും ശ്രവിയ്ക്കുകയും ധാരണം ചെയ്യുകയും ഹേതുവായി ബ്രഹ്മജ്ഞാനത്തിന്റെ പ്രാപ്തിയുണ്ടാവുന്നു. സ്വാദ്ധ്യായം കൊണ്ട് ജ്ഞാനം ഉണ്ടാവുന്നു

കാർത്തിക മാസത്തിലെ കൃഷ്ണപക്ഷത്തിലെ ത്രയോദശി ദിവസ (ഗുജറാത്തിലും മഹാരാഷ്ട്രത്തിലും അശ്വിന) ത്തെ "ധനതേരസ് " എന്നു പറയുന്നു .5.11. 2018 .ഭഗവാൻ ധന്വന്തരി ദു:ഖികളായ ജനങ്ങൾക്ക് രോഗ നിവാരണാർത്ഥം ഈ ദിവസം ആയുർവ്വേദമായി പ്രകടമായി.ഈ ദിവസം സന്ധ്യാ സമയത്ത് വീടിനു പുറത്ത് കൈയിൽ ദീപം കത്തിച്ച് ഭഗവാൻ യമരാജനെ പ്രസന്ന നാക്കി ദീപ ദാനം ചെയ്യുന്ന ദിവസമാണ്. ദാനം ചെയ്യുമ്പോൾ ഈ മന്ത്രം ചൊല്ലുന്നു.

മൃത്യുനാ പാശ ദണ്ഡാഭ്യാം കാലേന ശ്യാമയാ സഹ ത്രയോദശ്യാം ദീപദാനാത് സൂര്യജ: പ്രീയതാം മമ

ത്രയോദശിയുടെ ദിവസം ഈ ദീപ ദാനത്താൽ പാശവും ദണ്ഡധാരിയുമായ മൃത്യു അതുപോലെ കാലത്തിന്റെ അധിഷ്ഠാതാ ദേവൻ ഭഗവാൻ ദേവ യമൻ ദേവീ ശ്യാമളാ സഹിതം എന്നിൽ പ്രസന്നനാവണെ.

സമയവും, വിശ്വാസവും ആദരങ്ങളും പറന്നു പോവുന്ന അങ്ങിനെയുള്ള പക്ഷികളാണ് പിന്നീട് അവ തിരിച്ചു വരുന്നതല്ല.

*ഹരേ ഹരേ കൃഷ്ണാ*

പരീക്ഷകളില്‍ വിജയം നേടാന്‍ മന്ത്രങ്ങള്‍*

*പരീക്ഷകളില്‍ വിജയം നേടാന്‍ മന്ത്രങ്ങള്‍*

——————«•»—————— 

'' *പഠിച്ചത്-വേണ്ട സമയത്ത്- വേണ്ടതുപോലെ ഓര്‍മ്മയില്‍ നിന്ന് എടുത്തെഴുതുവാന്‍ കഴിയണം. അതിനാണ് ഓര്‍മ്മശക്തിയോടൊപ്പം തന്നെ ദൈവാനുഗ്രഹവും വേണമെന്ന് പറയുവാന്‍ കാരണം. ഗുരുവും ദൈവ തുല്യനാണെന്നത് മറക്കാതിരിക്കുക*.''

——————«•»—————— 

*പഠിക്കുന്ന കുട്ടികള്‍ക്ക് മാത്രമല്ല, വിദ്യാര്‍ത്ഥികളുടെ മാതാപിതാക്കള്‍ക്കും ഇരിക്കപ്പൊറുതിയില്ലാത്ത ഒരു സമയമാണ് പരീക്ഷാക്കാലം. ''എന്തിനിങ്ങനെ വൃഥാ ടെന്‍ഷനടിക്കുന്നു നാം'' എന്ന് ആധുനിക സിദ്ധാന്തം. പഠിച്ചാല്‍ മാത്രം പോരാ. എല്ലാറ്റിനും വേണം ദൈവാനുഗ്രഹം കൂടിയെന്ന് മറക്കരുത്. താന്‍ പാതി-ദൈവം പാതി എന്നാണല്ലോ നമ്മുടെ പൂര്‍വ്വികര്‍ പറയുന്ന ആപ്തവാക്യം*.

——————«•»—————— 

*പഠിച്ചത്-വേണ്ട സമയത്ത്- വേണ്ടതുപോലെ ഓര്‍മ്മയില്‍ നിന്ന് എടുത്തെഴുതുവാന്‍ കഴിയണം. അതിനാണ് ഓര്‍മ്മശക്തിയോടൊപ്പം തന്നെ ദൈവാനുഗ്രഹവും വേണമെന്ന് പറയുവാന്‍ കാരണം. ഗുരുവും ദൈവ തുല്യനാണെന്നത് മറക്കാതിരിക്കുക*.

——————«•»—————— 

*ഇതിനൊക്കെ സഹായകരമായ ചില മന്ത്രങ്ങള്‍ പരീക്ഷാക്കാലത്ത് കാര്യസിദ്ധിക്കു മാത്രമല്ലാതെ നിത്യേന-ഹൃദിസ്ഥമാക്കി ജപിക്കുക*-  *വിജയീഭവഃ* 

*വിജയലക്ഷ്മി നിങ്ങളെ എപ്പോഴും അനുഗ്രഹിക്കും*. *ഒപ്പം ലക്ഷ്മി നിങ്ങളെ എപ്പോഴും അനുഗ്രഹിക്കും. ഒപ്പം കാണും- എന്നതിന് സംശയമില്ല- വിജയാശംസകളോടെ ചില മന്ത്രങ്ങള്‍*.

——————«•»—————— 

*ആദ്യമായി സര്‍പ്പവിഘ്‌നശാന്തിക്കായി ഗണേശമൂല മന്ത്രം തന്നെ ജപിക്കുക: അക്ഷരശുദ്ധി വളരെ പ്രധാനമാണ്. വ്യക്തതയോടെ, അക്ഷരത്തെറ്റില്ലാതെ, അര്‍ത്ഥമറിഞ്ഞ്, സ്ഫുടതയോടെ വേണം മന്ത്രങ്ങള്‍ ജപിക്കുവാന്‍*.

——————«•»—————— 

 *മന്ത്രജപങ്ങളുടെ എണ്ണത്തെപ്പറ്റി ഇവിടെപ്പറയുന്നില്ല. സമയ സൗകര്യങ്ങള്‍പോലെ ഇരുപത്തിയൊന്നില്‍ കുറയാതെ നൂറ്റിയൊന്നിലും കവിയാം*.

——————«•»—————— 

1. ഓം ശ്രീ ഹ്രീം 

ക്ലീം ക്ലം  

കം ഗം ഗണപതയേ 

വര വരദ 

സര്‍വ്വജനമേ 

വശമാനായ സ്വാഹഃ

——————«•»—————— 

2. ശുക്ലാംബരധരം വിഷ്ണും 

ശശിവര്‍ണ്ണം ചതുര്‍ഭുജം 

പ്രസന്നവദനം ധ്യായേത് 

സര്‍വ്വ വിഘ്‌നോപശാന്തയേ.

——————«•»—————— 

3. സരസ്വതീ നമസ്തുഭ്യം 

വരദേ കാമരൂപിണി 

വിദ്യാരംഭം കരിഷ്യാമി. 

സിദ്ധിര്‍ ഭവതു മേ സദാ.

——————«•»—————— 

4. ഹയഗ്രീവമന്ത്രം:

 ജ്ഞാനാനന്ദമയം ദേവം 

നിര്‍മ്മലം സ്ഫടികാ കൃതീം 

ആധാരം സര്‍വ്വ വീര്യാനാം. 

ഹയഗ്രീവം ഉപാസ്മഹേ.

——————«•»—————— 

5. സല്‍ബുദ്ധിക്ക്:

 ബുദ്ധിദേഹി യശോ ദേഹി 

കവിത്വം ദേഹി ദേഹിമേ 

മൂഢത്വം സഹരേ ദേവി 

ത്രാഹിമാം ശരണാ ഗതം

——————«•»—————— 

6. മാണിക്യ വീണാ മദലാലയന്തീ 

മദാലസാം മഞ്ജുളവാക്‌വിലാസം 

മഹേന്ദ്രനീല കോമളാംഗീ 

മാതംഗ കന്യാം മനസാസ്മരാമിം

——————«•»—————— 

7. സര്‍വ്വ ഐശ്വര്യങ്ങള്‍ക്കും സൗഭാഗ്യത്തിനും മനഃശക്തിക്കും ധൈര്യത്തിനുമായി ഹനുമാന്റെ പന്ത്രണ്ടു നാമങ്ങള്‍ ജപിക്കുക.

——————«•»—————— 

''ഹനുമാന്‍, അഞ്ജനാസൂനന്‍, വായു പുത്രോ മഹാബലഃ 

രാമേഷ്ടഃ ഫല്‍ഗുനാ സഖഃ പിംഗാ ക്ഷോ 

അമിത വിക്രമഃ 

ഉദധിക്രമണൈശ്ചവ- സീതാശോക വിനാശനഃ 

ലക്ഷ്മണ പ്രാണ ദാതാ- ച 

ദശഗ്രീവസ്യ ദര്‍ശനം''

എന്ന് ജപിച്ച്

 ഓം ഹം ഹനുമന്തായ ആഞ്ജനേയായ മഹാബലായ  നമഃ 

എന്ന് ഒമ്പതു തവണയെങ്കിലും ജപിക്കണം. 

(നിര്‍ഭയത്തിനും വാക്ചാതുരിക്കും അത്യുത്തമം)

——————«•»—————— 

8. വിദ്യാവിജയത്തിന്:

——————«•»—————— 

ഓം നമോ സരസ്വതൈ- വിശ്വമോഹിനൈ 

സര്‍വ്വ വിദ്യാവിശാരദൈ- വിദ്യാജ്ഞാന സമൃദ്ധീം 

മേദേഹി ദാതാപായ-സര്‍വ്വശാസ്ത്ര ജ്ഞാനസിദ്ധീം 

ദേഹിദേഹി ഓം- സം  സരസ്വതൈ നമോനമഃ 

(സൂര്യോദയത്തിന് മുമ്പായാല്‍ അത്യുത്തമം)

——————«•»—————— 

9. സര്‍വ്വ ഐശ്വര്യങ്ങള്‍ക്കുമായി:

——————«•»—————— 

വിശ്വമോഹന കാമദായ- നിത്യപ്രചോദായ 

പരമാനന്ദ മോഹനായ- ശാന്തായ മഹാകാലായ 

കുബേരായ സര്‍വ്വ- ഐശ്വര്യ രൂപായ 

മഹാ ഐശ്വര്യസിദ്ധീം- ദേഹി ദാദാപയേ 

ജനപ്രീതീം ജനനേ ത്രിശക്തീം 

ദേഹി ദേഹി-ശങ്കരായ നമോ നമഃ

——————«•»—————— 

10. രാജഗോപാലമന്ത്രം- ആത്മവിശ്വാസത്തിനായി:

കൃഷ്ണ, കൃഷ്ണാ മഹായോഗിന്‍ 

ഭക്തനാമ ഭയങ്കരാ- 

ഗോവിന്ദാ പരമാനാന്ദാ- 

സര്‍വ്വം മേ വശമാനസ്വാഹഃ 

വാഗീശ്വരായ വിദ്മഹേ- ഹയഗ്രീവായ ധീമഹീ 

തന്വോ അശ്വഃ പ്രചോദയാത്

 (ഹയഗ്രീവ ഗായത്രി)

——————«•»—————— 

*വാഗ്‌ദേവതയുടെ അനുഗ്രഹത്തിനായി സരസ്വതീ ദേവിയുടെ അനുഗ്രഹംപോലെത്തന്നെ വിഷ്ണുവിന്റെ അവതാരയായ-ഹയഗ്രീവനും, വിദ്യാര്‍ത്ഥികളില്‍ വളരെ അധികം സ്വാധീനം ചെലുത്തുവാന്‍ കഴിയും. വിദ്യാഭിവൃദ്ധിക്ക് ജാതകത്തില്‍ ബുധനും ബലവാനായിരിക്കണം. ബുധന്‍- ജാതകത്തില്‍ ദോഷഭാവത്തിലാണെങ്കില്‍ അതിനെ അകറ്റുവാന്‍ കഴിവുള്ള ഏകശക്തിയാണ്- ഹയഗ്രീവന്‍. അതിനാല്‍ വിദ്യാര്‍ത്ഥികള്‍ സദാ ഹയഗ്രീവനെ മനസ്സില്‍ ധ്യാനിക്കണം. പഠിക്കുമ്പോഴും പരീക്ഷകള്‍ എഴതുമ്പോഴും അതാണ് ഹയഗ്രീവമന്ത്രത്തിന്റെ മാഹാത്മ്യം*.

——————«•»—————— 

*പഠിച്ചാല്‍ മാത്രം പോരാ- ഈശ്വരാനുഗ്രഹവും കൂടി വേണം. ദൈവത്തെപ്പോലെത്തന്നെയാണ്. ഗുരുനാഥന്മാരും. മാതാപിതാക്കളും. അവരാണ് നമ്മുടെ കണ്‍മുന്നില്‍ കാണുന്ന ദൈവങ്ങള്‍*.''

——————«•»—————— 

 *മാതാ-പിതാ-ഗുരുദൈവം'' എന്ന് നമ്മുടെ പൂര്‍വികര്‍ നമ്മെ പഠിപ്പിച്ചിരിക്കുന്ന ആപ്തവാക്യങ്ങളുടെ അര്‍ത്ഥവും മറ്റൊന്നല്ല. ആത്മവിശ്വാസത്തോടെ പഠിക്കണം. ദൈവാനുഗ്രഹത്തോടെ മാതാ-പിതാ-ഗുരുവനുഗ്രഹത്തോടെ വിജയീഭവഃ*

——————«•»——————        *karikkottamma*  ——————«•»——————

Shivashtakam – Malayalam lyrics (Text)

Shivashtakam – Malayalam lyrics (Text)
Shivashtakam Malayalam Script
 പ്രഭും പ്രാണനാഥം വിഭും വിശ്വനാഥം ജഗന്നാഥ നാഥം സദാനംദ ഭാജാമ് |
ഭവദ്ഭവ്യ ഭൂതേശ്വരം ഭൂതനാഥം, ശിവം ശംകരം ശംഭു മീശാനമീഡേ || 1 ||

ഗളേ രുംഡമാലം തനൗ സര്പജാലം മഹാകാല കാലം ഗണേശാദി പാലമ് |
ജടാജൂട ഗംഗോത്തരംഗൈ ര്വിശാലം, ശിവം ശംകരം ശംഭു മീശാനമീഡേ || 2||

മുദാമാകരം മംഡനം മംഡയംതം മഹാ മംഡലം ഭസ്മ ഭൂഷാധരം തമ് |
അനാദിം ഹ്യപാരം മഹാ മോഹമാരം, ശിവം ശംകരം ശംഭു മീശാനമീഡേ || 3 ||

വടാധോ നിവാസം മഹാട്ടാട്ടഹാസം മഹാപാപ നാശം സദാ സുപ്രകാശമ് |
ഗിരീശം ഗണേശം സുരേശം മഹേശം, ശിവം ശംകരം ശംഭു മീശാനമീഡേ || 4 ||

ഗിരീംദ്രാത്മജാ സംഗൃഹീതാര്ധദേഹം ഗിരൗ സംസ്ഥിതം സര്വദാപന്ന ഗേഹമ് |
പരബ്രഹ്മ ബ്രഹ്മാദിഭിര്-വംദ്യമാനം, ശിവം ശംകരം ശംഭു മീശാനമീഡേ || 5 ||

കപാലം ത്രിശൂലം കരാഭ്യാം ദധാനം പദാമ്ഭോജ നമ്രായ കാമം ദദാനമ് |
ബലീവര്ധമാനം സുരാണാം പ്രധാനം, ശിവം ശംകരം ശംഭു മീശാനമീഡേ || 6 ||

ശരച്ചംദ്ര ഗാത്രം ഗണാനംദപാത്രം ത്രിനേത്രം പവിത്രം ധനേശസ്യ മിത്രമ് |
അപര്ണാ കളത്രം സദാ സച്ചരിത്രം, ശിവം ശംകരം ശംഭു മീശാനമീഡേ || 7 ||

ഹരം സര്പഹാരം ചിതാ ഭൂവിഹാരം ഭവം വേദസാരം സദാ നിര്വികാരം|
ശ്മശാനേ വസംതം മനോജം ദഹംതം, ശിവം ശംകരം ശംഭു മീശാനമീഡേ || 8 ||

സ്വയം യഃ പ്രഭാതേ നരശ്ശൂല പാണേ പഠേത് സ്തോത്രരത്നം ത്വിഹപ്രാപ്യരത്നമ് |
സുപുത്രം സുധാന്യം സുമിത്രം കളത്രം വിചിത്രൈസ്സമാരാധ്യ മോക്ഷം പ്രയാതി ||

Works of Sree Narayana Guru

Works of Sree Narayana Guru

In Malayalam

1. Swanubavageethi
2. Atmopadesa Śatakam
3. Advaitha Deepika
4. Arivu
5. Daiva Dasakam
6. Jeevakarunya Panchakam
7. Anukamba Dasakam
8. Jathi Nirnayam
9. Jathi Lakshanam
10. Chijjada Chinthanam
11. Daiva vichinthanam - 1 & 2
12. Athma Vilasam
13. Shiva Shathakam
14. Kolatheereshastavam
15. Bhadrakaalyashtakam

In Sanskrit

1. Darsana Mala
2. Brahmavidya Panchakam
3. Nirvruthi Panchakam
4. Slokathrayi
5. Vedantha Suthram
6. Homa Manthram
7. Municharya Panchakam
8. Asramam
9. Dharmam
10. Charama Slokangal
11. Homa Mantram
12. Chidambarashtakam
13. Guhashtakam
14. Bhadrakaliashtakam
15. Vinayaka Ashtakam
16. Sree Vasudeva Ashtakam
17. Genani Navaratna Manjari "

In Tamil

1. Thevarappathinkangal

Translations

1. Thirukural
2. Isavasyo Upanishad
3. Ozhivil Odukkam

ആറാട്ടുപുഴ വേലായുധപ്പണിക്കര്‍' .

'ആറാട്ടുപുഴ വേലായുധപ്പണിക്കര്‍' .. ചരിത്രം എഴുതാതെപോയ പേര്.

Written by: നവീന്‍ ഗോപാല്‍

"..In memoriam of the great legendary hero ARATTUPUZHA VELAYUDHA PANICKER, I wish to publish an article written by Mr. Jijo John and published in the Sunday-supplement of Malayala Manorama of February 14, 2004."
This is our tribute to the very inimitable Arattupuzha Panicker, who had always fought for social justice and for the cause of the downtrodden:

ചരിത്രത്തിന്‍റെ പുറംപോക്കില്‍ കാലം ആറാട്ടുപുഴ വേലായുധ പണിക്കരെ പ്രതിഷ്‌ഠിച്ചു. ശ്രീനാരായണ ഗുരു ജനിക്കുന്നതിനും മൂന്നു വര്‍ഷം മുന്‍പ് മംഗലം ഇടയ്‌ക്കാട്‌ ജ്‌ഞ്ഞാനേശ്വരം ക്ഷേത്രത്തില്‍ പണിക്കര്‍ പ്രതിഷ്ഠിച്ചത്‌ ഈഴവശിവനെ.

നൂറ്റിമുപ്പത്‌ വര്‍ഷം മുന്‍പ്‌ കായംകുളം കായലിലെ തണ്ടുവള്ളത്തില്‍ ഉറങ്ങികിടന്ന പണിക്കരുടെ നെഞ്ചില്‍ കഠാരയിറക്കി കായലില്‍ ചാടിയ 'തൊപ്പിയിട്ട കിട്ടന്‍' ഇന്നും പിടികിട്ടാപുള്ളി.
ഗുരുദേവന്‍റെ ജനനത്തിന് മുപ്പത്തിയൊന്നു വര്‍ഷം മുന്‍പാണ് വേലായുധപണിക്കര്‍ ജനിച്ചത്‌.

കായംകുളത്ത് വാരണപ്പള്ളിയില്‍ കുമ്മമ്പള്ളില്‍ ആശാന്‍റെയടുത്തു ഗുരുദേവന്‍ പഠിക്കുമ്പോള്‍ മംഗലം സന്ദര്‍ശിച്ചെങ്കിലും വേലായുധ പണിക്കരെ കാണാന്‍ കഴിഞ്ഞില്ലെന്നാണു പഴമക്കാരുടെ കേട്ടറിവ്‌.
അവര്‍ണര്‍ക്കുവേണ്ടി കായംകുളത്തിനു സമീപം മംഗലത്തു ശിവക്ഷേത്രം നിര്‍മ്മിക്കാന്‍ ശിലയിട്ടത്‌ ഒരു ശിവരാത്രിയില്‍.
ബ്രാഹ്‌മണ വേഷത്തില്‍ വൈക്കത്തെത്തിയ വേലായുധപണിക്കര്‍ വൈക്കത്തപ്പന്‍റെ സന്നിധിയില്‍ ഏറെക്കാലം താമസിച്ചാണു താഴ്‌ന്ന ജാതിക്കര്‍ക്കു നിഷേധിക്കപ്പെട്ടിരുന്ന ക്ഷേത്രനിര്‍മ്മാണവും ആചാരങ്ങളും പഠിച്ച്ത്‌. ഒടുവില്‍ നാട്ടിലേക്കു മടങ്ങും മുന്‍പു ക്ഷേത്ര അധികാരിയോടു പണിക്കര്‍ ചോദിച്ചു: "അയിത്തക്കാരന്‍ ക്ഷേത്രത്തില്‍ താമസിച്ചു പൂജാവിധിപഠിച്ചാല്‍ അങ്ങ്‌ എന്തുചെയ്യും?"
പരിഹാരം പറഞ്ഞ ക്ഷേത്രാധികാരിക്ക്‌ നൂറു രൂപയും സ്വര്‍ണ്ണവും കൊടുത്തു വേണ്ടതു ചെയ്‌തോളാന്‍ പറഞ്ഞ്‌ പണിക്കര്‍ ക്ഷേത്ര നിര്‍മ്മാണത്തിനായി മംഗലത്തേക്കു തിരിച്ചു !! ഓര്‍മ്മിക്കണം സംഭവം നടന്ന 1853ലെ നൂറുരൂപയുടെ വില. മുന്നൂറു മുറി പുരയിടവും പതിനാലായിരം ചുവടു തെങ്ങും വാണിജ്യത്തിനു പായ്‌ക്കപ്പലുകളും മൂവായിരത്തിലധികം പറ നെല്‍പ്പാടവും സ്വന്തമായുള്ള ധനിക കുടുംബത്തിലെ ഭാരിച്ച സ്വത്തിന്‍റെ അവകാശിയായിരുന്നു പണിക്കര്‍; അതും പതിനാറാമത്തെ വയസ്സില്‍. ഇന്ന്‌ ഈ സ്‌ഥലമെല്ലാം കടലെടുത്തു.
വഴിയൊന്നാണെങ്കിലും ഗുരുദേവന്‍റെ മുന്‍ഗാമിയായ പണിക്കര്‍ ഒരു സന്യാസിയായിരുന്നില്ല. പോരാളിയെപ്പോലെ തന്‍റെടിയായിരുന്നു. ചെറുപ്പത്തിലേ ആയോധന വിദ്യയും കുതിര സവാരിയും വ്യാകരണവും പഠിച്ചു. ആറേഴു കുതിരകള്‍, രണ്ട്‌ ആന, ബോട്ട്‌, ഓടിവള്ളം, പല്ലക്ക്‌, തണ്ട്‌ എന്നിവയാണു പണിക്കരുടെ സ്വന്തം വാഹനങ്ങള്‍ .
മംഗലത്തു ശിവപ്രതിഷ്‌ഠ നടത്തിയ വേലായുധ പണിക്കരെപ്പറ്റി മേല്ജാതിക്കാര്‍ ചെമ്പകശ്ശേരി രാജാവിനോടു പരാതിപറഞ്ഞു.വിവരം തിരക്കിയ രാജാവിനു മുന്നില്‍ "ഞാന്‍ പ്രതിഷ്‌ഠിച്ചത്‌ ഈഴവ ശിവനെയാണെന്നു" മറുപടി നല്‍കി നെഞ്ചുവിരിച്ചുനിന്ന ആണായിരുന്നിട്ടും വേലായുധപണിക്കരെ ആരും അംഗീകരിച്ചില്ല.
എഴുതപ്പെട്ട രേഖകളിലൊന്നും പണിക്കരുടെ മാതാപിതാക്കളെപ്പറ്റി വ്യക്‌തമായി പരാമര്‍ശമില്ല.1825 ജനുവരി ഏഴിനു ജനിച്ച പണിക്കര്‍ക്ക്‌ പതിമൂന്നാം നാള്‍ മാതാവിനെ നഷ്‌ട്ടപ്പെട്ടു. പിന്നീട്‌ അമ്മയുടെ ബന്ധുക്കള്‍ക്കൊപ്പം വളര്‍ന്നു. ഇതിഹാസ തുല്യമായ ജീവിതത്തിന്‍റെ നിഗൂഡമായ ബാല്യം!
1866 ല്‍ കര്‍ഷക തൊഴിലാളികളെ സംഘടിപ്പിച്ചു വേലായുധ പണിക്കര്‍ നടത്തിയ പണിമുടക്കാണു ചരിത്രത്തില്‍ രേഖപ്പെടുത്തിയ ആദ്യത്തെ കര്‍ഷക തൊഴിലാളി സമരം. എന്നിട്ടും ഇതുവരെ വേലായുധപണിക്കരെ ആരും സഖാവെ എന്നുവിളിച്ചില്ല.

ആദ്യത്തെ കര്‍ഷക തൊഴിലാളി സമരം
അന്ന്‌ ഈഴവ സ്‌ത്രീകള്‍ മുണ്ടുടുക്കുമ്പോള്‍ മുട്ടിനു താഴെ തുണികിടക്കുന്നതു കുറ്റമായിരുന്നു. കായംകുളത്തിനു വടക്കു പത്തിയൂരില്‍ വീതിയുള്ള കരയുള്ള മുണ്ട്‌ ഇറക്കിയുടുത്തു വയല്‍ വരമ്പിലൂടെ നീങ്ങിയ ഈഴവ സ്‌ത്രീയെ സവര്‍ണ പ്രമാണിമാര്‍ അധിക്ഷേപിച്ചതു പണിക്കരെ ചൊടിപ്പിച്ചു. ജന്മികള്‍ക്കു വേണ്ടി കീഴാളരെ ഒരുമിപ്പിച്ചു കൂട്ടിയ വേലായുധപണിക്കര്‍ കൃഷിപണിയും തേങ്ങാപണിയും ബഹിഷ്‌ക്കരിക്കാന്‍ ആഹ്വാനം ചെയ്‌തു. പണിമുടങ്ങിയതോടെ ജന്മിമാരുടെ സാമ്പത്തികനില പരുങ്ങലിലായി. തൊഴിലാളികള്‍ക്ക്‌ അഷ്‌ടിക്കുള്ള വക പണിക്കര്‍ സ്വന്തം ചെലവില്‍ നല്‍കി. ദൂരെ നിന്ന്‌ ജന്മികളെത്തിച്ച കൃഷിപ്പണിക്കാരെ കൊന്നുകളയുമെന്ന്‌ പണിക്കര്‍ പരസ്യപ്രഖ്യാപനം നടത്തി. സാക്ഷാല്‍ അയ്യങ്കാളിക്ക്‌ അന്നു മൂന്നു വയസ്സായിരുന്നു പ്രായം. മുണ്ട്‌ ഇറക്കിയുടുത്ത ഈഴവസ്‌ത്രീയെ പരിഹസിച്ച കരപ്രമാണിമാര്‍ സമരം തീഷ്‌ണമായപ്പോള്‍ പരസ്യമായി മാപ്പുപറഞ്ഞു. അവഹേളിക്കപ്പെട്ട സ്‌ത്രീക്കു പ്രായശ്‌ചിത്തമായി മുണ്ടു വാങ്ങിക്കൊടുക്കാന്‍ പണിക്കര്‍ കല്‍പ്പിച്ചു. പ്രമാണിമാര്‍ അനുസരിച്ചു. അങ്ങനെ ചരിത്രത്തില്‍ ആദ്യത്തെ കര്‍ഷകതിഴിലാളി സമരം പൂര്‍ണ്ണ വിജയം കണ്ടു. എന്നിട്ടും ചരിത്രം ഇതുവരെ പണിക്കരെ സഖാവേ എന്നുവിളിച്ചില്ല.


മൂക്കുത്തിവഴക്ക്‌
ഇതിനു ശേഷമാണു വേലായുധപണിക്കരുടെ മൂക്കുത്തിവഴക്ക്‌. കഥയിങ്ങനെയാണ്‌: അന്നു സ്വര്‍ണ്ണ മൂക്കുത്തിധരിക്കാനുള്ള അവകാശം താഴ്‌ന്ന ജാതിയിലെ സ്‌ത്രീകള്‍ക്കില്ലായിരുന്നു. പന്തളത്തിനടുത്തു മൂക്കുത്തി ധരിച്ചു വഴിനടന്ന പെണ്ണിന്‍റെ മൂക്കുത്തി പറിച്ചു ചോരചിന്തിയ വിവരമറിഞ്ഞ പണിക്കര്‍ സ്വര്‍ണ്ണപണിക്കാരെ വിളിച്ച്‌ ആയിരം മൂക്കുത്തി നിര്‍മ്മിക്കാന്‍ നിര്‍ദ്ദേശിച്ചു.ഒരു കിഴി മൂക്കുത്തിയുമായി പന്തളത്തെത്തിയ പണിക്കര്‍ വഴിയില്‍ കണ്ട കിഴ്‌ജാതിക്കാരായ സ്‌ത്രീകളെയെല്ലാം വിളിച്ചുകൂട്ടി മൂക്കു കുത്തിച്ചു. സ്വര്‍ണ്ണ മൂക്കുത്തി അണിയിച്ചു പറഞ്ഞയച്ചു. ഇവരെ ആരും അപമാനിക്കാതിരിക്കാന്‍ ദിവസങ്ങളോളം പണിക്കര്‍ പന്തളത്തു തങ്ങി. കുതിരപ്പുറത്ത്‌ ആയുധങ്ങളുമേന്തി റോന്തുചുറ്റുന്ന പണിക്കരുടെ മുന്നിലൂടെ നാട്ടിലെ പെണ്ണുങ്ങളെല്ലാം സ്വര്‍ണ്ണ മൂക്കുത്തിയിട്ടു സുന്ദരികളായി നടന്നു. പിന്നീടു നാട്ടിലൊരിടത്തും ഒരു പെണ്ണും മൂക്കു മുറിഞ്ഞു ചോരയൊലിപ്പിച്ചില്ല...
ഏത്താപ്പുസമരം
സമരം ചെയ്യാന്‍ ഈ പണിക്കര്‍ സംഭാവന പിരിച്ചില്ല. സ്വന്തം ചെലവിലായിരുന്നു പണിക്കരുടെ ലഹളകളെല്ലാം. മൂക്കുത്തി വഴക്കിന്‍റെ തുടര്‍ച്ചയായിരുന്നു 1859ലെ ഏത്താപ്പു സമരം. കായംകുളത്ത്‌ അവര്‍ണസ്‌ത്രീ നാണം മറയ്‌ക്കാന്‍ മാറില്‍ ഏത്താപ്പിട്ടതു ചില പ്രമാണിമാര്‍ക്കു സഹിച്ചില്ല. പൊതുനിരത്തില്‍ അവരുടെ മേല്‍മുണ്ടു വലിച്ചു കീറി മാറില്‍ മച്ചിങ്ങത്തൊണ്ടു പിടിപ്പിച്ച്‌ അവരെ പ്രമാണിമാര്‍ കൂവിവിട്ടു. വിവരമറിഞ്ഞു കുറെ മേല്‍മുണ്ടുമായി പണിക്കര്‍ തണ്ടുവച്ച വള്ളത്തില്‍ കായം കുളത്തേക്കു കുതിച്ചു. അവിടത്തെ തൊഴിലാളി സ്‌ത്രീകള്‍ക്കിടയില്‍ മേല്‍മുണ്ടു വിതരണം ചെയ്‌തു. നാട്ടിലെ പാവം പെണ്ണുങ്ങള്‍ക്കുവേണ്ടി ഈ തുണിയുടുപ്പു സമരവും പണിക്കര്‍ ഒറ്റയ്‌ക്കുപൊരുതി ജയിച്ചു.

കഥകളിയോഗം
 പണ്ട്‌ ഈ നാട് സ്‌ത്രീകളോടു ചെയ്‌തതിനെല്ലാം ഈ മനുഷ്യന്‍ ഒറ്റയ്‌ക്കു പകരം ചോദിച്ചു....എന്നിട്ടും ഏതു സ്‌ത്രീയാണ്‌ ഇന്നും പണിക്കരെ ഓര്‍മ്മിക്കുന്നത്‌. 1861ല്‍ ഈഴവ സമുദായാംഗങ്ങളെ ചേര്‍ത്തു കഥകളിയോഗം സ്‌ഥാപിച്ചതാണ് വേലായുധപണിക്കരുടെ കലാവിപ്ലവം. പച്ചകുത്തി ദേവന്മാരുടെയും രാജാക്കന്മാരുടെയും വേഷങ്ങളാടാന്‍ അവര്‍ണര്‍ക്ക്‌ അവകാശമില്ലെന്നു ബോധിപ്പിച്ച് ഗവണ്‍മെന്റില്‍ ‍ പരാതികിട്ടിയപ്പോള്‍ ദിവാന്‍ ടി. മാധവറാവുവാണ് പണിക്കരെയും പരാതിക്കാരെയും വിളിച്ചു ചേര്‍ത്തത്‌. അന്നത്തെ വാദംകേട്ടു പ്രഖ്യാപിക്കപ്പെട്ട തീര്‍പ്പിലാണു താഴ്‌ന്ന ജാതിക്കര്‍ക്കു കഥകളി പഠിച്ച്‌ അവതരിപ്പിക്കാനുള്ള അവകാശം നിയമംമൂലം പണിക്കര്‍ സമ്പാദിച്ചത്‌. പിന്നീടു സ്വയം കഥകളി പഠിച്ച വേലായുധപണിക്കര്‍ 1862ല്‍ അരങ്ങേറി. അവര്‍ണ്ണരുടെ കഥകളിയോട്‌ ഏറ്റവും എതിര്‍പ്പുള്ള പ്രദേശങ്ങള്‍ തിരഞ്ഞുപിടിച്ചു കഥകളി അവതരിപ്പിക്കാനായിരുന്നു അദ്ദേഹത്തിനു താല്‍പര്യം... എന്നിട്ടും ആരും വേലായുധപണിക്കരുടെ പേരില്‍ കഥകളി പുരസ്‌കാരങ്ങള്‍ ഏര്‍പ്പെടുത്തിയില്ല.

പത്‌മനാഭസ്വാമി ക്ഷേത്രത്തിലേക്കു തരണനല്ലൂര്‍ നമ്പൂതിരിപ്പാടു കൊണ്ടുപോയ സാളഗ്രാമം കായംകുളം കായലില്‍ കൊള്ളക്കാര്‍ അപഫരിച്ചു. സാളഗ്രാമം തിരികെ വാങ്ങി നല്‍കാനുള്ള തിരുവിതാംകൂര്‍ മഹാരാജാവിന്‍റെ അഭ്യര്‍ഥന സ്വീകരിച്ച വേലായുധപണിക്കര്‍ കയ്യൂക്കുകൊണ്ടു കാര്യം സാധിച്ച്‌ രണ്ടു കൈയ്യിലും രാജാവിന്റെ വീരശൃഖലനേടി. പേരിനൊപ്പമുള്ള 'പണിക്കര്‍' സ്‌ഥാനം അടുത്ത തലമുറയ്‌ക്കു സ്‌ഥിരപ്പെട്ടതും ഇതിനുശേഷം. എന്നിട്ടും കായംകുളം കൊച്ചുണ്ണിയോട്‌ കാണിച്ച നീതിപോലും ചരിത്രം ആറാട്ടുപുഴയിലെ പണിക്കരോടു കാട്ടിയില്ല.
മാംബുഴക്കരിക്കാരന്‍ കരപ്രമാണി



കീഴാളരുടെ വീട്ടില്‍ പശു പെറ്റാല്‍ ‍കിങ്കരന്മാരെ വിട്ടു പശുവിനേയും കിടാവിനേയും സ്വന്തമാക്കി ഒടുവില്‍ പശുവിന്‍റെ കറവ വറ്റുമ്പോള്‍ മാത്രം തിരികെ നല്‍കുന്ന മാംബുഴക്കരിക്കാരന്‍ കരപ്രമാണിയെ, വാളുമായിചെന്ന പണിക്കര്‍ ഒതുക്കിയത്‌ മറ്റൊരു കഥ.
ഇരുപതാമത്തെ വയസ്സില്‍ പുതുപ്പള്ളി വാരണപ്പള്ളി സ്വദേശിനി വെളുമ്പിയെ പണിക്കര്‍ വിവാഹം കഴിച്ചു. ഇവര്‍ക്ക്‌ ഏഴ്‌ ആണ്‍മക്കളാണ്‌. അക്കാലത്ത്‌ ഉന്നതകുലജാതര്‍ പേരിനൊപ്പം 'കുഞ്ഞ്‌' എന്നു ചേര്‍ത്തിരുന്നു. പണിക്കര്‍ സ്വന്തം മക്കള്‍ക്കു പേരിട്ടു: കുഞ്ഞയ്യന്‍, കുഞ്ഞുപണിക്കര്‍, കുഞ്ഞന്‍, കുഞ്ഞുപിള്ള, കുഞ്ഞുകുഞ്ഞ്‌, വെളുത്തകുഞ്ഞ്‌, കുഞ്ഞുകൃഷ്ണന്‍. സ്വന്തം സഹോദരിയെ അന്യസമുദായക്കാരനു വിവാഹം ചെയ്തുകൊടുത്തു മിശ്രവിവാഹത്തിനു വിത്തിട്ടതും പണിക്കരാണെന്നു കേള്‍വി.
സഞ്ചാരസ്വാതന്ത്ര്യം

'ഹോയ്‌' വിളിച്ച്‌ അവര്‍ണരെ തീണ്ടാപ്പാടകലെ നിര്‍ത്തിയിരുന്ന കാലം. ഒരു ദിവസം പണിക്കരും പരിവാരങ്ങളും വയല്‍ വരംബിലൂടെ നടക്കുമ്പോള്‍ മറുവശത്തു നിന്നു 'ഹോയ്‌' വിളി. ഇടപ്പള്ളി രാജാവിന്‍റെ മകന്‍ രാമന്‍ മേനോന്‍റെ എഴുന്നള്ളിത്താണ്‌. അതിനേക്കാള്‍ ഉച്ചത്തില്‍ ഹോയ്‌ എന്നു തിരികെ വിളിക്കാന്‍ പണിക്കര്‍ കൂട്ടാളികളോടു നിര്‍ദേശിച്ചു. 'ധിക്കാരി'യായ പണിക്കരുടെ കാലു തല്ലി ഒടിക്കാന്‍ രാജകുമാരന്‍റെ കല്‍പ്പന. രാജകുമാരനും കൂട്ടരും അടികൊണ്ട്‌ ഓടി.... സംഭവം കേസായെങ്കിലും അവര്‍ണര്‍ക്ക്‌ സഞ്ചാര സ്വാതന്ത്ര്യം നല്‍കിക്കൊണ്ടായിരുന്നു കേസിന്റെ തീര്‍പ്പ്‌. പിന്നീടു കീഴാളരാരും 'ഹോയ്‌' വിളി കേട്ട്‌ ഓടിമാറേണ്ടി വന്നില്ല.

മറ്റൊരു കേസിന്‍റെ ആവശ്യത്തിനായി കൊല്ലത്തുനിന്നും തണ്ടുവള്ളത്തില്‍ കായംകുളംകായല്‍ കടക്കുമ്പോഴാണ് വേലായുധപ്പണിക്കര്‍ കൊല്ലപ്പെട്ടത്‌. 1874 ജനുവരി മൂന്നിനു പാതിരാത്രി കായല്‍ നടുക്ക്‌ തണ്ടുവള്ളത്തില്‍ പണിക്കര്‍ നല്ല ഉറക്കമായിരുന്നു. ഒരു കോവുവള്ളത്തിലെത്തിയ അക്രമിസംഘം പണിക്കരെ അടിയന്തിരമായി കാണണമെന്നു തണ്ടുവലിക്കാരോടു പറഞ്ഞു. വള്ളത്തില്‍ കയറിയ അക്രമികളുടെ നേതാവു 'തൊപ്പിയിട്ട കിട്ടന്‍' ഉറങ്ങിക്കിടന്ന പണിക്കരെ ചതിയില്‍ കുത്തിവീഴ്ത്തി.നെഞ്ചില്‍ തറഞ്ഞ കഠാരയുമായി എഴുന്നേറ്റ ആറാട്ടുപുഴ വേലായുധപണിക്കരെ കണ്ടു ഭയന്ന കിട്ടനും കൂട്ടരും കായലില്‍ ചാടി രക്ഷപ്പെട്ടു. ഇവര്‍ പിന്നീടു കപ്പലില്‍ രാജ്യം കടന്നതായാണു കേട്ടുകേള്‍വി. കൊല്ലം ഡിവിഷന്‍ പേഷ്കാര്‍ രാമന്‍ നായര്‍ കേസു വിചാരണ നടത്തിയെങ്കിലും തെളിവില്ലാത്തതിനാല്‍ ആരേയും ശിക്ഷിക്കാന്‍ കഴിഞ്ഞില്ല.... എന്നിട്ടും പണിക്കരെ ആരും രക്തസാക്ഷിയാക്കിയില്ല. സ്മാരകങ്ങള്‍ ഉയര്‍ന്നില്ല.
ഐതിഹ്യത്തോളമെത്തിയ ഈ ജീവിതത്തെ തിരിച്ചറിഞ്ഞത്‌ ഒരാള്‍ മാത്രം-- ശ്രീനാരായണഗുരു.
സഹപാഠിയുടെ പിതാവായ പണിക്കരെ കാണാന്‍ ഗുരു മംഗലത്ത്‌ എത്തിയ ദിവസങ്ങളില്‍ പണിക്കര്‍ മറ്റെവിടെയോ ജാതിപ്പിശാചിനോടു പോരാടുകയായിരുന്നു.
ആറാട്ടുപുഴ വേലായുധപ്പണിക്കര്‍ - ഏതെങ്കിലും പാഠപുസ്തകത്താളില്‍ ഈ പേരു കണ്ടെത്താമോ?..